JOHANNA

TG 326
XPTA

Mynd: Skipalistin, 2011
  • Navn:JOHANNA
  • Heimstaður:Vágur
  • Slag:Handilsskip
  • Fyrr:
    NavnÁrHavnanr.Heimstaður
    Johanne1933
    Oxfordshire1884
  • MMSI:231431000
  • Smíðað: J. Collins Hood, Rye, England (1884)
  • Stødd: LOA 25,6 m
    Breidd 6,19 m
  • Bruttotons:95,92
  • Nettotons:59,18
  • Maskina: Mercedes-Benz
    240HK / 136KW

Søga

Skipasøga
Johanna varð smíðað í Rye, Sussex í Suðuronglandi í 1884 á skipasmiðjuni, sum James Collins Hood átti. Tá nevndist hon Oxfordshire. Fyrsti eigarin varð John William Haylock úr Dulwich í Surrey. Í Oktober 1894 keypti George Edw. James Moody, ein stórur reiðari í Grimsby, Oxfordshire, men seldi hana aftur í desember sama árið til Jákup Dahl, handilsmann í Vági. Tá fekk sluppin navnið Johanne.
 
Hetta var fyrsta sluppin, sum Jákup Dahl sjálvur átti. Hann keypti seinni fleiri aðrar sluppir og stovnaði fyritøkuna A/S J. Dahl. Fyritøkan átti yvir 20 sluppir og skonnartir og hevði nógv ymiskt virksemi í Vági, bæði innan fiskiskap, fiskavirking og handil. Johanne var fiskiskip, men undir seinna heimsbardaga hevði Stóra Bretland stóran tørv á matvørum, eisini á fiski, og tí vóru tað fleiri føroysk fiskiskip, sum løgdu um til flutningsskip. Johanna sigldi til Íslands, har hon fekk ísaðan fisk í lastina, sum hon so førdi til Skotlands. Fiskurin, sum føroysku skipini førdu til Stóra Bretlands, kom sera væl við hjá bretum. Winston Churchill nevndi eisini føroyingar í einari talu, hann helt eftir kríggið. Hetta nevndi Elin Mortensen, rithøvundur, í sending í útvarpinum hjá Kringvarpinum. Sera nógvir føroyingar lótu lív undir seinna heimsbardaga í mun til fólkatalið. Tað vóru sjómenn, sum vóru við føroyskum fiskiskipum, sum blivu bumbaði av týskum kavbátum ella bumbuflogførum ella sigldu á eina minu. Sluppin Johanne kom tó gjøgnum kríggið uttan at vera rakt av bumbum ella minum. 
 
Johanne varð løgd í 1972 og fór ikki til fiskiskap aftur. Hon lá við kai í Vági til 1980. Tá ætlaði eigarin A/S J. Dahl at søkkja hana, men í síðstu løtu varð gjørt av at bjarga sluppini. Í 1981 varð settur á stovn ein grunnur, nevndur Johanna TG 326, sum hevði til endamáls at bjarga sluppina Johannu TG 326 og seta hana í upprunastand, soleiðis at hon kundi verða eitt minni um ta farnu slupptíðina. Tað árið keypti grunnurin Johanna TG 326 sluppina Johanne frá A/S J. Dahl fyri 1 kr. Johanna varð síðan løgd upp á land, har hon skuldi setast í uppruna stand. 
 
Sera nógv fólk vóru við í arbeiðnum at seta sluppina í stand, og stuðul varð veittur úr øllum landinum. Alt arbeiði var gjørt sjálvboðið í fyrstani. Fólk úr grunninum skipaðu m.a. fyri bingo, fyri at savna pening til tilfar og annað, sum kostaði pening. Ein av eldsálunum tá var Ove Mikkelsen, sáli (doyði í mai 1995). Ein annar vágbingur, sum hevur arbeitt nógv uppá sluppina Johannu, og sum eisini gjørdist formaður í grunninum, er Gudmund Jacobsen, skipstimbari og eigari av Vágs Skipasmiðju. 
 
Johanna verður nú brúkt til ferðavinnuendamál, so sum styttri túrar (útferðir), men eisini til leiguferðir í Føroyum og t.d. til Hetlands.
 
Ferðamannaloyvi: Ja, 45 ferðandi
Tilfar og tøkni: Skrokkur: Træ
Tøkni: Kravell
Træsløg: Bond, stevni og kjølur: Eik
Klæðing yvir vatnlinju: Eik
Klæðing undir vatnlinju: Oregon Pine
Rundholt: Douglas Pine
Framdráttarmegi: Segl, riggað sum slupp.
 
(Kelda: Søvn Landsins, 2017)
Víðkaðar upplýsingar
  • Navn:JOHANNA
  • Heimstaður:Vágur
  • Havnakenning:TG 326
  • Kallimerki:XPTA
  • Núverandi navn skrásett:1985
  • MMSI:231431000
  • Skrá:Føroya Skipaskráseting
  • Status:Í flotanum
  • Slag:Handilsskip
  • Slag, annað:Slupp
  • Byggiár:1884
  • Skipasmiðja:J. Collins Hood, Rye, England
  • Byggitilfar:Viður
  • Ferðafólkatal:45
Støddir, vektir o.a.
  • BT - Bruttutons66
  • NT - Nettotons20
  • BRT - Bruttoregistartons95,92
  • NRT - Nettoregistartons59,18
  • Longsta longd, LOA25,6
  • Longd, metrar23
  • Breidd, metrar6,19
  • Dypd, metrar
    Upp til høvuðsdekk
    3,6
  • Ferðafólkatal45
Maskina, útgerð og tøkni
  • Motorslag:Mercedes-Benz
  • Framleiðsluár:1998
  • kW136
  • HK240
  • BrennievniDiesel
Ognarviðurskfiti
  • EigariFelagið Johanna TG 326
  • BústaðurBryggjan 12
  • Postnummar900
  • BýurVágur
  • LandFøroyar
  • Telduposturvagsship@olivant.fo
  • ÚtgerðarmaðurGuðmundur K. Jacobsen
  • BústaðurGeilin 54
  • Postnummar900
  • Býur/BygdVágur
  • LandFøroyar
  • Telefon373010, 230500
  • Telduposturvagsship@olivant.fo

Ognarviðurskifti

Eigari:
Felagið Johanna TG 326
Bryggjan 12
900 Vágur
vagsship@olivant.fo
Føroyar
Útgerðarmaður:
Guðmundur K. Jacobsen
Geilin 54
Vágur
vagsship@olivant.fo
373010, 230500
Føroyar
Veitst tú okkurt um hetta skipið, sum vit ikki vita?
Gev okkum eitt prei
Skipalistin

Ábyrgdarfólk: Ernst S. Olsen
skipalistin@skipalistin.fo

Álmanakkin

Ábyrgdarfólk: Erling Isholm
almanak@olivant.fo

Útgevari

H. N. Jacobsens Bókahandil
Vaglið 2, Tórshavn
Tel: 31 10 36
hnj@hnj.fohnj.fo
V-tal: 300381